Alahady 10 Marsa 2019
(Hoy Jesosy :) Ny tena mpivavaka, hivavaka amin’ny Ray amin’ny fanahy sy ny fahamarinana ; fa ny Ray koa mitady ny mpivavaka aminy ho tahaka izany. Andriamanitra dia Fanahy ; ary izay mivavaka aminy tsy maintsy mivavaka amin’ny fanahy sy ny fahamarinana. Jaona 4:23, 24
Ry Andriamanitra ô, ny fitiavanao no mamory anay
Manodidina an’i Kristy, ao anatin’ny firaisana ;
Avy izahay hiara-mitsaoka Anao
Sy hihira ny fahatsaram-ponao lehibe.
Ny fikasan’ny fitiavanao midadasika,
Hatrizay ka ho mandrakizay,
Dia ny hanana olom-boavonjy sy lavorary
Any an-danitra, eo anatrehanao.
Zava-miafina, izay an’Andriamanitra, momba ny fahasoavana,
Ry Ray Izay nitia anay fatratra,
Ny hoe nanomana toerana ho anay Ianao,
Ao anatin’ny fahasambaranao mihitsy.
Ny fiadananao, ireo zava-tsoanao, ny lanitrao, ny voninahitrao :
Nomenao izany tamin’ny alalan’i Jesosy.
Tsy ho ela dia hakarina ho any aminy izahay,
Rehefa mahare ny hiakam-pandreseny !
Dera ho Anao hatretỳ an-tany,
Haja any an-danitra, ary ho mandrakizay.
Voninahitra ho an’ny anaranao, ry Andriamanitra Rainay !
Voninahitra ho an’ny fitiavanao mahatalanjona !