Alahady 25 Aogositra 2019
Ny Zanak’ondry (Jesosy), Izay novonoina, dia mendrika handray hery sy harena sy fahendrena sy faherezana sy haja sy voninahitra ary saotra. Apokalypsy 5:12
Tompon’ny tompo sy Mpanjakan’ny mpanjaka Izy. Apokalypsy 17:14
Voninahitra, haja, hery,
Faherezana, fankatoavana, anie,
Ho an’Ilay Andriamanitra lehibe, Andriamanitra mandrakizay
Izay nahary ny zavatra rehetra.
Any aminao, ry Ilay Andriamanitra hany hendry,
No iakaran’ny fanajanay,
Amin’ny vanimpotoana rehetra hifandimby,
Ary ho mandrakizay.
Voninahitra, haja, fahendrena,
Fahefana sy harena, anie,
Ho an’i Jesosy, Ilay Zanak’ondrin’Andriamanitra
Izay nanokatra ny lanitra ho antsika.
Ndao hampahatsiaro ny voninahitra,
Ny asa fanonerana
Sy ny fandresen’
Ilay Zanak’Andriamanitra masina.
Aoka ny feontsika hanakoako
Eny amin’ny habakabaka midadasika.
Mendrika Ianao, ry Jesosy, ry Tompo,
Ny homena ny dera sy ny laza.
Ianao Izay tia anay,
Ny fitiavanao ambony indrindra
No ankalazainay
Ho mandrakizay.
Ruth Demaurex