Alahady 1 Septambra 2019
Arovy aho, Andriamanitra ô, fa mialoka aminao aho. Salamo 16:1
Ny saina tsy miovaova dia harovanao amin’ny fiadanana tanteraka, satria matoky Anao izy. Isaia 26:3
Apetraho amin’Andriamanitra ny fiainanao,
Ireo tahotrao sy ireo fanirianao,
Satria ny fahasoavany tsy misy fetra
Dia miahy anao avy any an-danitra any.
Rehefa mitantana ny kintana sy ny rivotra
Eny ana habakabaka eny Izy,
Tsy heverinao ve fa manoritra
Ny lalana ho an’ireo zanany ?
Aoka ho Izy no fanantenanao,
Na amin’ny andro tsara na amin’ny andro ratsy ;
Aoka ho Izy no hany vonjy ho anao,
Ao anatin’ny fahoriana.
Lazao Azy ny alahelonao rehetra,
Ireo tahotrao, ireo fijalianao ;
Izy no nandrava ny fatoranao,
Izy koa no hamafa ny ranomasonao.
Izy no fitiavana faratampony,
Izy no lalana marina.
Manatòna Azy, satria tia anao Izy.
Manatòna ! Manolo-tanana anao Izy.