Talata 24 Desambra 2019
... ary ny anarany hataonao hoe JESOSY. Matio 1:21
Ary ny anarany atao hoe Mahagaga, Mpanolotsaina, Andriamanitra Mahery, Rain’ny mandrakizay, Andrianan’ny fiadanana. Isaia 9:5
Anarana mahagaga izay nampahita,
Etỳ an-tany anjakan’ny haizina,
Ilay Andriamanitra tsy mbola hitan’iza na iza,
Ao anatin’ny famirapiratany tsy hay hatonina !
Anaran’Ilay Olona nanetry tena sy nanirery
Feno fangorahana ireo fahoriantsika,
Mpanompo an-tsitrapo, nitondra
Ny enta-mavesatry ny fijaliantsika ;
Anarana tsy manam-tsahala, ka ny heriny
Dia mamaly mandrakariva ny finoantsika ;
Anarana mampivory manodidina Anao
Ireo navotanao, na tsy eo aza Ianao ;
Anaram-piandrianana, hajoron’Andriamanitra Ray
Ho Tompon’izao rehetra izao ;
Ka handohalika eo alohan’izany, indray andro any,
Ny lanitra, ny helo, ary ny tany ;
Anaran’i Jesosy, tsy hain’iza na iza fantarina,
Anaran’Ilay Andriamanitra mahery mandrakizay,
Sy an’Ilay Zanak’ondry, Mpamonjy izao tontolo izao,
Ary an’Ilay Olona nitsangana tamin’ny maty ;
Anaran’Ilay Kintana fitarikandro,
Anaran’Ilay Kintana mamiratra antoandro,
Voninahitra anie ho Anao, ry anaran’ny Fahazavana,
Isaorana anie Ianao, ry anaran’ny Fitiavana !