Alahady 23 Janoary 2022
Mahatoky ka tokony hekena amin’ny fankasitrahana rehetra izao teny izao : tonga tetỳ ambonin’ny tany Kristy Jesosy, hamonjy ny mpanota. 1 Timoty 1:15
Minoa an’i Jesosy Tompo, dia hovonjena ianao. Asan’ny Apostoly 16:31
Fantatrao ve Izy ?
Jesosy, Ilay Zanak’Andriamanitra, dia tonga tetỳ an-tany,
Mba hitady sy hamonjy ireo izay very ;
Mahay manafaka anao amin’ny vesatry ny fahantranao Izy ;
Fantatrao ve Izy ?
Fantatrao ve ny fijaliany, nandeha nankany Kalvary,
Sy ny niaretany rehefa nohomboana teo amin’ny hazo ?
Fantatrao ve fa tamin’ny nahafatesany no nanefany
Ny tambin’ny otanao ?
Fantatrao ve ny lanjan’ny rany izay manadio
Sy afaka mamafa ho mandrakizay ireo fahadisoanao ?
Fantatrao ve fa, eo anatrehan’Andriamanitra, io ra manamarina io
No nanao ny fampihavanana ?
Eny ! Raha mbola tsy hitanao ny fahasoavana sy herin’
Io Zanak’ondrin’Andriamanitra maty teo amin’ny hazofijaliana io,
Dia manatòna Azy haingana, mba hahita ao aminy ny fanafahana tanteraka.
Mijere ary minoa !
Minoa ny Tompo Jesosy, manolo-tanana anao Izy ankehitriny ;
Avia manandrana ny fahasambarana entiny ho anao anio ;
Mamalia tsy misy hataka andro intsony, satria mihelina dia mihelina ny fotoana !
Eny ! Manatòna Azy !