Talata 8 Febroary 2022
Dia aza manahy ianareo ka manao hoe : Inona no hohaninay ? na : Inona no hosotroinay ? na : Inona no hotafinay ? … fa fantatry ny Rainareo Izay any an-danitra fa tokony ho anareo izany rehetra izany. Fa katsaho aloha ny fanjakany sy ny fahamarinany, dia hanampy ho anareo izany rehetra izany. Matio 6:31-33
Amina fiandohan’ny taona dia matetika ny olona no mandray fanapahan-kevitra tsara ; tiana ihany koa indraindray ny manonofinofy, ka irina ireto :
— tany tsy misy herisetra, tsy misy ady
— planeta tsy dia voaloto loatra
— fiainana tsy misy olana
— tsy hisy zaza mitomany intsony, na madinika ampijalina
— tsy hisy tsy rariny intsony, na olona mahantra
— tsy hisy fizirizirian-tsaina intsony, na fanaovana vono moka olona
— vady sy zanaka sahaza
— ankohonana mivelatra
— vatana tsy miha antitra, tsy ho faty…
Faniriana ihany anefa ireo, tsy misy vahaolana avy amin’olombelona !
Fa ankehitriny kosa Andriamanitra dia manolotra zavatra hafa. Te hanome izay fantany fa zava-dehibe hahasambatra antsika Izy. Nirahiny ho etỳ an-tany ny Zanany Lahitokana, mba hanome ahy :
— ny famelan-keloka noho ireo faniratsirako rehetra
— ny famotsoran-keloka noho ireo fahadisoako
— ny fanantenana manoloana ny fahafatesana, ny fahazoana antoka ho any am-paradisa
— ny toro lalana sy fahazavana mba hitarika ny fiainako
— ny hery ao anatin’ireo zava-manahirana
— ny herimpo ao anatin’ny fahoriana
— ny fiadanana ao anatin’ny fijaliana
— ny valin’ireo fanontaniako momba ny fisiana
— ny fahasambarana, ambonin’ny zavatra rehetra…
Ny fiainana, tsotra izao, fiainana be dia be sy ho mandrakizay !
„Andriamanitra… manome malalaka ho an’ny olona rehetra sady tsy mandatsa” (Jakoba 1:5).