Alahady 13 Marsa 2022

Ampandreneso ny famindramponao aho nony maraina, fa Ianao no itokiako ; ampahalalao ahy izay làlana tokony halehako, fa aminao no ananganako ny fanahiko. Salamo 143:8

Hihira ho an’i Jehovah aho, satria nanisy soa ahy Izy. Salamo 13:6

 

Tsy misy fantatro ny amin’ny lalako

Tsy misy fantatro ny amin’ny lalako, Tsy afaka mahita lavitra aho, Nefa Jesosy eo alohako, Miteny amiko hoe : „Avia ! Manaraha Ahy !”

 

Tsy misy fantatro ny hoaviko, Ny fifaliany sy ny fahoriany, Nefa Jesosy afaka mamonjy ahy, Azo antoka fa manatrika eto Izy.

 

Fantatro fa mifehy ny hoavy Izy, Mihazona ahy amin’ny tanako. Inona no afaka hanjo ahy, Nefa Azy ny ampitso ?

 

Hiatrika ireo adin-tsaina aho, Ireo olana sy fahasahiranana, Mino aho fa mahery Ilay Andriamanitro Ka mahay miaro ny zanany.

 

Tsy fantatro ny fotoana Mbola hiainako eto an-tany ! Tsy maninona izany, fantatro fa amin’ny fotoana rehetra Dia hiaro ahy Jesosy.

 

Fantatro fa mifehy ny hoavy Izy, Mihazona ahy amin’ny tanako. Inona no afaka hanjo ahy, Nefa Azy ny ampitso ? Alfred B. Smith, Eugene Clarck